Afrikaanse Bybel : 1933 - 1953 Weergawe

1. 'n PSALM van Dawid. Die HERE is my herder; niks sal my ontbreek nie.  XR

2. Hy laat my neerlê in groen weivelde; na waters waar rus is, lei Hy my heen.  XR

3. Hy verkwik my siel; Hy lei my in die spore van geregtigheid, om sy Naam ontwil.  XR

4. Al gaan ek ook in 'n dal van doodskaduwee, ek sal geen onheil vrees nie; want U is met my: u stok en u staf dié vertroos my.  XR

5. U berei die tafel voor my aangesig teenoor my teëstanders; U maak my hoof vet met olie; my beker loop oor.  XR

6. Net goedheid en guns sal my volg al die dae van my lewe; en ek sal in die huis van die HERE bly in lengte van dae.  XR